പാച്ചല്ലൂരിൽ അടച്ചിട്ടിരുന്ന ബേക്കറിയിൽ തീ പിടിച്ചു.

30.09.2025

തിരുവല്ലം. : പാച്ചല്ലൂർ ഗവണ്മെന്റ് എൽ പി സ്കൂളിന് സമീപം അടച്ചിട്ടിരുന്ന ബേക്കറിയിൽ തീ പിടിച്ചു. ഫയർ ഫോഴ്സ് എത്തി തീയണച്ചു. പാച്ചല്ലൂർ സ്വദേശി മാഹിന്റെ ഉടമസ്ഥതയിലുള്ള മൻഷാദ് ബേക്കറി ആൻഡ് സ്റ്റോറിൽ ഇന്നലെ വൈകുന്നേരം നാലരയോടെയാണ് തീപിടിത്തം ഉണ്ടായത്. ഇന്നല കട പ്രവർത്തിച്ചിരുന്നില്ല. അടച്ചിട്ടിരുന്ന കടയിൽ നിന്ന് പുക ഉയരുന്നത് കണ്ട തൊട്ട്അടുത്തുള്ള ഓട്ടോ സ്റ്റാൻഡിലെ ഡ്രൈവർമാരാണ് ഫയർ ഫോഴ്‌സിനെ വിവരം അറിയിച്ചത് .വിഴിഞ്ഞം ഫയർ സ്റ്റേഷനിലെ ഒരു യുണിറ്റ് എത്തിയാണ് തീ അണച്ചത്. ഷോര്ട്ട് സർക്യുട്ട് ആണ് അപകട കാരണം. . കടക്കകത്തുണ്ടായിരുന്ന മിക്ക സാധനങ്ങളും കത്തി നശിച്ചു. ഗ്യാസിന് തീപിടിക്കാത്തതിനാൽ വൻ ദുരന്തം അപകടം ഒഴിവായി.ഏകദേശം, അഞ്ച് ലക്ഷം രൂപയുടെ നാശനഷ്ടം ഉണ്ടായി. ഫ്രിഡ്ജ് ഉൾപ്പെടെ ഉള്ള സാധനങ്ങൾ കത്തി നശിച്ചു. കൗൺസിലർ പനത്തുറ ബൈജു വെള്ളാർ സാബു, ഷാജർ ഉൾപ്പെടെ ഉള്ള നാട്ടുകാർ രക്ഷാപ്രവർത്തനത്തിന് നേതൃത്വം നൽകി.