എം.വി. ഗോവിന്ദൻ വീണ്ടും സംസ്ഥാന സെക്രട്ടറി - സംസ്ഥാന കമ്മിറ്റിയിൽ പുതുമുഖങ്ങളുടെ എണ്ണം കൂടി.

09.03.2025

കൊല്ലം: സംസ്ഥാനത്ത് സി.പി.എമ്മിനെ നയിക്കാൻ എം.വി.ഗോവിന്ദൻ മാഷിനെ വീണ്ടും തെരഞ്ഞെടുത്തു. കൊല്ലത്ത് ഇന്നലെ സമാപിച്ച സംസ്ഥാനസമ്മേളനമാണ് ഗോവിന്ദനെ (72) അടുത്ത മൂന്നു വർഷത്തേക്ക് കൂടി സെക്രട്ടറിയായി തിരഞ്ഞെടുത്തത്.വനിതകൾക്കും യുവാക്കൾക്കും പ്രാമുഖ്യം നൽകി 89 അംഗ സംസ്ഥാന കമ്മിറ്റിയും 17 അംഗ സംസ്ഥാന സെക്രട്ടേറിയറ്റും രൂപീകരിച്ചു. മന്ത്രി ആർ. ബിന്ദുവിനെ സംസ്ഥാന കമ്മിറ്റിയിൽ എടുത്ത പ്പോൾ മന്ത്രി വീണാ ജോർജിനെ പ്രത്യേക ക്ഷണിതാവാക്കി. മന്ത്രി എം.ബി. രാജേഷ് സംസ്ഥാന സെക്രട്ടേറിയറ്റിൽ എത്തുമെന്ന് കരുതിയെങ്കിലും ഇടം കിട്ടിയില്ല. കെ. എച്ച്. ബാബുജാനാണ് അഞ്ചംഗ കൺട്രോൾ കമ്മിഷൻ ചെയർമാൻ. സംസ്ഥാന കമ്മിറ്റിയിൽ സ്ഥിരം ക്ഷണിതാവു മാക്കി. കെ.കെ. ശൈലജയുൾ പ്പെടെ സംസ്ഥാന കമ്മിറ്റിയിൽ 12 വനിതകൾ സ്ഥാനം പിടിച്ചു. അനാരോഗ്യത്തെതുടർന്ന് കോടിയേരി ബാലകൃഷ്ണൻ സെക്രട്ടറി സ്ഥാനം ഒഴിഞ്ഞതിനെ തുടർന്ന് 2022 ആഗസ്റ്റിലാണ് മന്ത്രിയായിരുന്ന എം.വി. ഗോവിന്ദൻ സ്ഥാനം രാജിവച്ച് സെക്രട്ടറിയായി ചുമതലയേറ്റെടുത്തത്. സംസ്ഥാന കമ്മിറ്റിയിൽ 17 പുതുമുഖങ്ങളെയാണ് ഉൾപ്പെടു ത്തിയത്. എ.കെ. ബാലൻ, ആനാ വൂർ നാഗപ്പൻ, പി.കെ. ശ്രീമതി എന്നിവർ സെക്രട്ടേറിയറ്റിൽ നിന്ന് ഒഴിവായപ്പോൾ എം.വി. ജയരാ ജനും സി.എൻ. മോഹനനും കെ. കെ. ശൈലജയുമാണ് സെക്രട്ടേ റിയറ്റിലെ പുതുമുഖങ്ങൾ. മുതിർന്ന അംഗം പി. ജയരാജനെ ഇത്തവണയും സെക്രട്ടേറിയറ്റിലേക്ക് പരിഗണിച്ചില്ല. ആനാവൂർ നാഗപ്പൻ ഒഴിഞ്ഞതോടെ തലസ്ഥാന ജില്ലയ്ക്ക് സെക്രട്ടേറിയറ്റിൽ പ്രാതിനിദ്ധ്യ മില്ലാതായി.കണ്ണൂർ ജില്ലയിൽ നിന്ന് സെക്രട്ടേറിയറ്റിൽ അഞ്ച് അംഗങ്ങളുണ്ട്. കരുനാഗപ്പള്ളിയിലെ സംഘടനാ പ്രശ്നങ്ങളെ തുടർന്ന് സൂസൻ കോടിയെ സംസ്ഥാന കമ്മിറ്റിയിൽ നിന്ന് ഒഴിവാക്കി. വയനാട് മുൻ ജില്ലാ സെക്രട്ടറി പി. ഗഗാറിനെതി രെ സംസ്ഥാന കമ്മിറ്റിക്ക് നിരവ ധി പരാതികൾ ലഭിച്ചിരുന്നു. ഇതേ ത്തുടർന്നാണ് അദ്ദേഹത്തെ സം സ്ഥാന കമ്മിറ്റിയിൽ നിന്ന് ഒഴിവാ ക്കിയതെന്നാണ് വിവരം. കെ. വരദരാജൻ, എം.കെ. കണ്ണൻ, ബേബി ജോൺ, ഗോപി കോട്ടമുറിക്കൽ, പി. ശ്രീരാമ കൃഷ്ണൻ എന്നിവരെയും ഒഴിവാക്കി. ഇ.പി. ജയരാജനും ടി.പി. രാമകൃഷ്ണനും സെക്രട്ടേറിയറ്റിൽ തുടരും. എം. രാജഗോപാൽ (കാസർകോട്), കെ. റഫീഖ്(വയനാട്), എം. മെ ഹബൂബ് (കോഴിക്കോട്), വി.പി. അനിൽ (മലപ്പുറം), കെ.വി. അ ബ്‌ദുൾഖാദർ (തൃശൂർ) തുടങ്ങി അഞ്ച് ജില്ലാ സെക്രട്ടറിമാരാണ് സംസ്ഥാന കമ്മിറ്റിയിൽ എത്തിയത്. ബിജുകണ്ടക്കെ, ജോൺബ്രിട്ടാസ്,എം. പ്രകാശൻ, ഡി.വൈ.എഫ്.ഐ സംസ്ഥാന സെക്രട്ടറി വി.കെ.സനോജ് സംസ്ഥാന പ്രസിഡന്റ് വി. വസീഫ്, കെ.ശാന്തകുമാരി, ആർ. ബിന്ദു, എം. അനിൽകുമാർ, കെ. പ്രസാദ്, ടി.ആർ. രഘുനാഥ്, എസ്. ജയമോഹൻ, ഡി.കെ. മുരളി എന്നിവരാണ് സംസ്ഥാന കമ്മിറ്റിയിലെ മറ്റ് പുതുമുഖങ്ങൾ. പിണറായി വിജയൻ, എം.വി. ഗോവിന്ദൻ, ഇ.പി. ജയരാജൻ, കെ.കെ. ശൈലജ, ടി.എം. തോമസ് ഐസക്, ടി.പി. രാമകൃഷ്ണൻ, കെ.എൻ. ബാലഗോപാൽ, പി. രാജീവ്, കെ.കെ.ജയചന്ദ്രൻ, വി.എൻ. വാസവൻ, സജി ചെറിയാൻ, എം. സ്വരാജ്, മുഹമ്മദ് റിയാസ്, പി.കെ. ബിജു, പുത്തലത്ത് ദിനേശൻ, എം.വി.ജയരാജൻ, സി.എൻ. മോഹനൻ എന്നിവരാണ് സെക്രട്ടറിയേറ്റംഗങ്ങൾ