ജനതാദൾ (എസ്) വെങ്ങാനൂർ ഡിവിഷൻ സമ്മേളനം

15.05.2025

വിഴിഞ്ഞം :ജനതാദൾ (എസ്) വെങ്ങാനൂർ ഡിവിഷൻ സമ്മേളനം നടന്നു. സംസ്ഥാന ജനറൽ സെക്രട്ടറി സാബു ജോർജ്ജ് സമ്മേളനം ഉദ്ഘാടനം ചെയ്തു. കനാൽ ജലം ലഭ്യമാക്കൽ, ഗംഗയാർ തോട് നവീകരണം, വിഴിഞ്ഞം തുറമുഖ നിയമനങ്ങളിൽ തദ്ദേശീയർ നേരിടുന്ന അവഗണന തുടങ്ങിയ വിഷയങ്ങൾ പരിഹരിക്കണമെന്നാവശ്യപ്പെട്ട് സമരപരിപാടികൾ നടത്താൻ സമ്മേളനം തീരുമാനിച്ചു. ഡിവിഷൻ കമ്മിറ്റി പ്രസിഡൻ്റ് എം. പി. ശരത് പ്രസാദ് അദ്ധ്യക്ഷത വഹിച്ചു. ജില്ലാ പ്രസിഡൻ്റ് അഡ്വ. ഫിറോസ്‌ലാൽ, നിയോജക മണ്ഡലം പ്രസിഡൻ്റ് കോളിയൂർ സുരേഷ്, തെന്നൂർക്കോണം രാജേന്ദ്രൻ,റ്റി.ഏ.ചന്ദ്രമോഹൻ, കൗൺസിലർ സിന്ധു വിജയൻ, റെജി ജോയി മയിലാടുംപാറ, പി. ബി. രാജൻ, കെ. ചന്ദ്രശേഖരൻ, വി.എസ്. വിഷ്ണു, എസ്.ഷീന കുമാരി, എൻ വിനുക്കുട്ടൻ എന്നിവർ പ്രസംഗിച്ചു.