ഏഷ്യാ കപ്പ് ക്രിക്കറ്റ് -ഇന്ത്യ ചാമ്പ്യൻമാർ -ഇന്ത്യൻ പേസർ മുഹമ്മദ് സിറാജിന് 6 വിക്കറ്റ്

16.09.2023

കാെളംബാേ:ഏഷ്യാകപ്പ് ക്രിക്കറ്റ്ഫൈനലിൽ ശ്രീലങ്കയെ തകർത്ത് ഇന്ത്യചാമ്പ്യൻമാരായി. ഇന്ത്യൻ പേസർ മുഹമ്മദ് സിറാജാണ് ശ്രീലങ്കയുടെ കീരീട സ്വപ്നങ്ങളുടെ ചിറകരിഞ്ഞത്.മത്സരത്തിൽ സിറാജ് ആറ് വിക്കറ്റ് നേടി.ടോസ് നേടി ബാറ്റിംഗ് തിരഞ്ഞെടുത്ത ശ്രീലങ്ക ഇന്ത്യൻ ബൗളർ മാർക്ക് മുന്നിൽ പിടിച്ചുനിൽക്കാനാകാതെ തകർന്നടിയുകയായിരുന്നു.15.2 ഓവറിൽ 50റൺസ് മാത്രം നേടി ശ്രീലങ്ക ആൾ ഔട്ടായി.മറുപടി ബാറ്റിംഗിനിറങ്ങിയ ഇന്ത്യ ആദ്യ വിക്കറ്റ് നഷ്ടപ്പെടാതെ 6.1 ഓവറിൽ വിജയം നേടി.ഇന്ത്യൻ ബൗളർമാരുടെ തേരാേട്ടത്തിന് മുന്നിൽ പല ശ്രീലങ്കൻ ബാറ്റ്സ്മാൻമാർക്കും രണ്ടക്കം കടക്കാനായില്ല.കുസാൽ പെരേരെയെ ആദ്യ ഓവറിൽ തന്നെ പുറത്താക്കി ജസ്പ്രിത് ബുംറയാണ് ശ്രീലങ്കയുടെ ആദ്യ വിക്കറ്റ് വീഴ്ത്തിയത്.പിന്നാലെയെത്തിയ മുഹമ്മദ് സിറാജ് തന്റെ വരവറിയിച്ചു. നാലാം ഓവറിൽ നിസങ്കയെ (2) കൂടാരം കയറ്റിയ സിറാജ് അതേ ഓവറിൽ തന്നെ സമരവിക്രമ(0),ചരിത് അസലങ്ക(0), ധനഞ്ജയ ഡിസിൽവ(4)എന്നിവരെയും മടക്കി നാല് വിക്കറ്റ് നേട്ടം ആഘോഷിച്ചു. പിന്നീടുള്ള ഓവറുകളിൽ ലങ്കൻ നായകൻ ദസുൻ ഷനക(0)യെയും കുശാൽ മെൻഡിസിനെയും (17) വീഴ്ത്തി സിറാജ് തന്റെ വിക്കറ്റ് വേട്ട ആറ് ആക്കി.മൂന്ന് വിക്കറ്റ് നേടിയ ഹാർദിക് പാണ്ഡ്യയും തിളങ്ങി.കഷ്ടിച്ച് 50 റൺസ് നേടിയ ശ്രീലങ്കയുടെ ടോപ് സ്കോറർ 17 റൺസ് നേടിയ കുശാൽ മെൻഡിസാണ്.മറുപടി ബാറ്റിംഗിനിറങ്ങിയ ഇന്ത്യയുടെ ഇഷാൻ കിഷൻ-ശുഭ്മാൻ ഗിൽ ഒപ്പണിംഗ് കൂട്ടുകെട്ട് 6.1 ഓവറിൽ തന്നെ 51 റൺസ് നേടി . ഇഷാൻ കിഷൻ 18 ബോളുകളിൽ നിന്ന് മൂന്ന് ബൗണ്ടറികളോടെ 23 റൺസും ശുഭ്മാൻ ഗിൽ 19 ബോളുകൾ നേരിട്ട് 27 റൺസും അടിച്ചെടുത്തു .