കാർ നിയന്ത്രണം വിട്ട് വെള്ളായണി കായലിൽവീണു.കാറിലുണ്ടായിരുന്ന യുവാക്കൾ അത്ഭുതകരമായി രക്ഷപ്പെട്ടു.

കോവളം: മൂന്ന് യുവാക്കൾ സഞ്ചരിച്ച കാർ നിയന്ത്രണം തെറ്റി റോഡുവക്കിൽ നിർത്തിയിരുന്ന സ്കൂട്ടർ ഇടിച്ച് തെറിപ്പിച്ച് വെള്ളായണി കായലിൽ പതിച്ചു. കാർ വെള്ളത്തിൽ പൂർണ്ണമായി മുങ്ങിയെങ്കിലും കാറിലുണ്ടായിരുന്ന മുന്ന് യുവാക്കൾ അത്ഭുതകരമായി രക്ഷപ്പെട്ടു.ഇന്നലെ വൈകുന്നേരം നാല് മണിക്ക് വെങ്ങാനൂർ വവ്വാമൂല കടവിൻ മൂല ബണ്ട് റോഡിലായിരുന്നു അപകടം. മുട്ടയ്ക്കാട് ചിറയിൽസ്വദേശികളായ അഭിരാം (18),വിനയ് (19),വിച്ചു (18) എന്നിവർ സഞ്ചരിച്ച കാറാണ് അപകടത്തിൽ പെട്ടത്. വെള്ളത്തിൽ മുങ്ങിയ കാറിന്റെ ഡോർ തുറന്ന് മൂന്ന് യുവാക്കളും നീതി രക്ഷപ്പെടുകയായിരുന്നു. അമിത വേഗതയിൽ എത്തിയ കാർ സമീപവാസിയായ സുദർശന്റെ സ്കൂട്ടറിനെ ഇടിച്ച ശേഷമാണ് വെള്ളയാണി കായലിൽ പതിച്ചത്. ബണ്ട് റോഡിൽ നിന്ന് വെള്ളത്തി ലേക്ക് വീണ കാർ മുങ്ങി താഴുന്ന തിനിടയിൽ യുവാക്കൾ ഭാഗ്യം കൊണ്ട് രക്ഷപ്പെടുകയായിരുന്നു വെള്ളത്തിനടിയിലായ കാറിനെ മീൻ പിടിത്ത വള്ളത്തിന്റെ സഹായ ത്തോടെ കമ്പ് കൊണ്ട് കുത്തി നാേക്കിയാണ് കാർ മുങ്ങിക്കിടന്ന സ്ഥാനം കണ്ടെത്തിയത്. തുടർന്ന് മുങ്ങൽ വിദഗ്ദനായ മത്സ്യ താെഴിലാളിയെ കൊണ്ട് കാറിന്റെ ചെയിസിൽ വടം കെട്ടി വലിച്ച് കരയ്ക്ക് കയറ്റുകയായിരുന്നു. പഴയ മോഡൽ മാരുതി കാറിന്റെ ഡോർ വേഗത്തിൽ തുറക്കാനാ യതാണ് യുവാക്കൾക്ക് രക്ഷയായ തെന്ന് നാട്ടുകാർ പറഞ്ഞു. വിവരമറിഞ്ഞ് വിഴിഞ്ഞം പോലീസും ഫയർഫോഴ്സും സ്ഥലത്ത് എത്തി. നാട്ടുകാരുടെ സഹായത്തോടെ ഫയർഫോഴ്സ് ഉദ്യോഗസ്ഥർ കയർ ഉപയോഗിച്ച്കാറിനെകെട്ടിവലിച്ചാണ് കരയ്ക്ക് കയറ്റിയത്.കാർ കരയിൽ കയറ്റിയ ശേഷമാണ് കാർ ഇടിച്ച് സ്കൂട്ടർ വെള്ളത്തിൽ പോയ വിവരമറിഞ്ഞത്.തുടർന്ന് തിരച്ചിൽ നടത്തിയ ഫയർഫോഴ്സ്അധികൃതർ വെള്ളത്തിനടിയിൽ നിന്നും സ്കൂട്ടറും പുറത്തെടുത്തു.