സെപ്ടിക് ടാങ്കിനെടുത്ത കുഴിയിൽ വീണ പശുവിനെ ഫയർ ഫോഴ്സ് രക്ഷപ്പെടുത്തി

29.10.2025

കോവളം : പറമ്പിൽ മേയുന്നതിനിടെ സെപ്ടിക് ടാങ്കിനെടുത്ത കുഴിയിൽ വീണ പശുവിനെ വിഴിഞ്ഞം ഫയർ ഫോഴ്സ് യൂണിറ്റെത്തി രക്ഷപ്പെടുത്തി.പാച്ചല്ലൂർ സ്വദേശി ബാബുവിന്റെ പശുവാണ് അയൽവാസിയായ നൗഷാദിൻ്റ പറമ്പിൽ സെപ്റ്റിക് ടാങ്കിനായി നിർമ്മിച്ച കുഴിയിൽ വീണത്. ഇന്നലെ രാവിലെ എട്ടരയോടെയാണ് സംഭവം. കുഴിയിൽ വീണ് കുടുങ്ങിക്കിടന്ന പശുവിനെ രക്ഷിക്കാൻ നാട്ടുകാർ നടത്തിയ ശ്രമം ഫലം കണ്ടില്ല. തുടർന്നാണ് വിഴിഞ്ഞം ഫയർ ഫോഴ്സിൻ്റെ സഹായം തേടിയത്. നാലടി മാത്രം വീതിയുള്ള കുഴിയായതിനാൽ പശുവിനെ കെട്ടി ഉയർത്തിയെടുക്കാനാവാതെ വന്നതോടെ ജെസിബി എത്തിച്ച് കുഴിയുടെ സമീപത്തായി 10 അടിയോളം ആഴത്തിൽ മണ്ണ് മാറ്റി കുഴിയുടെ ഉറ പൊട്ടിച്ച് വിസ്താരം കൂട്ടിയതിനു ശേഷം പശുവിനെ ജെസിബിയുടെ സഹായത്താൽ ഉയർത്തിയാണ് കരയ്ക്കെടുത്തത്. വിഴിഞ്ഞം എ.എസ്.ടി.ഒ ഷാജി, സീനിയർ ഫയർമാൻ സനു, ഫയർമാൻമാരായ ബിനു കുമാര്‍, അജയ് സിങ്, ആന്റു, ഡ്രൈവർ ജിബിൻ എസ് സാം , ഹോം ഗാർഡ്മാരായ ശെൽവകുമാർ, സുനിൽദത്ത്, വിനോദ് എന്നിവരടങ്ങിയ സംഘം നാല് മണിക്കുറോളം നടത്തിയ ശ്രമത്തിനൊടുവിലാണ് രക്ഷാപ്രവർത്തനം പൂർത്തിയായത്.