പ്രതിമ അനാച്ഛാദനം ചെയ്തു

24.02.2026

അയൂബ് ഖാൻ

കോവളം: പുന്നമൂട് ഗവ: മോഡൽ ഹയർ സെക്കൻ്ററി സ്ക്കൂൾ കോമ്പൗണ്ടിൽ സ്ഥാപിച്ച സ്കൂളിൻ്റെ സ്ഥാപകനും സ്വാതന്ത്ര്യ സമര സേനാനിയുമായ എലീശാ ഭാസ്ക്കരം വാദ്ധ്യാരുടെ പൂർണ്ണകായ പ്രതിമ എം. വിൻസെൻ്റ് എം.എൽ.എ അനാച്ഛാദനം ചെയ്തു. ചടങ്ങിൽകല്ലിയൂർ പഞ്ചായത്ത് പ്രസിഡൻറ് ശൈലജയുടെ അദ്ധ്യക്ഷത വഹിച്ചു ബിന്ദു ദാസ് സ്വാഗതവും ഷിൻ്റി നന്ദിയും പറഞ്ഞു.ജില്ലാ പഞ്ചായത്തംഗം ആഗ്നസ് റാണി, ബ്ലോക്ക് പഞ്ചായത്തംഗം മിനി, കല്ലിയൂർ പഞ്ചായത്ത് വൈസ് പ്രസിഡൻ്റ് കാക്കാമൂല ബിജു, സ്റ്റാൻ്റിംഗ് കമ്മിറ്റി ചെയർമാൻ സുരേഷ് കുമാർ, പഞ്ചായത്തംഗം തങ്കമണി എന്നിവർ സംസാരിച്ചു.