കോവളത്തെ ത്രിദിന ഫുഡ് ഫെസ്റ്റ് - ഫണ്ടാംഗോ - തുടങ്ങി. സമാപനം ഞായറാഴ്ച

27.02.2026

കോവളം: രുചി വെെവിധ്യങ്ങളുടെ കലവറയൊരുക്കി കോവളത്തെ ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജമെന്റ് ആൻ്റ് കാറ്ററിംഗ് ടെക്‌നോളജിയിലെ വിദ്യാർത്ഥികൾ സംഘടിപ്പിക്കുന്ന ത്രിദിന ഫുഡ് ഫെസ്റ്റ് - ഫണ്ടാംഗോ - തുടങ്ങി.കോളേജ് വളപ്പിലെ 11 ഓളം സ്റ്റാളുകളിലായി ചെെനീസ്, അറബി വിഭവങ്ങളടക്കം വിവിധ രാജ്യങ്ങളുടെ ഭക്ഷ്യ വിഭവങ്ങളാണ് സന്ദർശകരെ കാത്തിരിക്കുന്നത്. കേരളത്തിൻ്റെ തനത് വിഭവങ്ങളും തമിഴ് വിഭവങ്ങളും മേളയിൽ ഇടം പിടിച്ചിട്ടുണ്ട്. സന്ദർശകർക്ക് വിനോദത്തിനുള്ള രണ്ട് സ്റ്റാളുകളും ഒരുക്കിയിട്ടുണ്ട്.ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജമെന്റ് ആൻ്റ് കാറ്ററിംഗ് ടെക്‌നോളജിയിലെ വിദ്യാർത്ഥികളുടെ ട്രെയിനിംഗിൻ്റെ ഭാഗമായി സംഘടിപ്പിച്ചിരിക്കുന്ന ഫുഡ് ഫെസ്റ്റിൽ പാസെടുത്ത് പ്രവേശിക്കുന്ന സന്ദർശകർക്ക് പാസിന് തത്തുല്യമായ തുകയ്ക്ക് ലഭിക്കുന്ന കൂപ്പൻ ഉപയോഗിച്ച് ഭക്ഷണം ലഭ്യമാക്കുമെന്ന് സംഘാടകർ പറഞ്ഞു. ഫെസ്റ്റ് ഞായറാഴ്ച സമാപിക്കും.കൂടുതൽ വിവരങ്ങൾക്ക് 8547869876