ഫലവൃക്ഷ തൈകൾ വിതരണം നടത്തി.

26.02.2026

അയൂബ് ഖാൻ

തിരുവനന്തപുരം: അദാനി വിഴിഞ്ഞം പോർട്ടിന്റെ സി.എസ്.ആർ വിഭാഗത്തിൻ്റ നേതൃത്വത്തിൽ വിഴിഞ്ഞം പദ്ധതി പ്രദേശത്തെ 2000 വീടുകളിൽ ലഭ്യമായ സ്ഥലങ്ങളിൽ 10000 ത്തോളം ഫലവൃക്ഷ തൈകൾ നടുവാനുള്ള പ്രവർത്തനങ്ങൾക്ക് തുടക്കം കുറിച്ചു. 2030 ഓടെ 10 കോടി മരങ്ങൾ നട്ടുപിടിപ്പിക്കും എന്ന ലോക സാമ്പത്തിക ഫോറത്തിൽ അദാനി ഗ്രൂപ്പിന്റെ പ്രഖ്യാപനത്തിന്റെ ഭാഗമായാണ് വൃക്ഷ തൈകൾ നടുന്നത്. വെങ്ങാനൂർ പഞ്ചായത്തിലെ മുട്ടയ്ക്കാട് നടന്ന ചടങ്ങിൽ അതിയന്നൂർ ബ്ലോക്ക് പഞ്ചായത്ത് പ്രസിഡന്റ് നിഖില തൈകളുടെ വിതരണോദ്ഘാടനം നിർവഹിച്ചു. വെങ്ങാനൂർ ഗ്രാമ പഞ്ചായത്ത് പ്രസിഡന്റ് ശാലിനി അധ്യക്ഷത വഹിച്ചു. പഞ്ചായത്തംഗങ്ങളായ ശ്രീകുമാർ, ബൈജു,ശോഭന , വെങ്ങാനൂർ - തിരുവല്ലം എന്നിവിടങ്ങളിലെ കൃഷി ഓഫീസർമാർ എന്നിവർ സംസാരിച്ചു.അദാനി ഫൗണ്ടേഷന്റെ സീനിയർ ഉദ്യോഗസ്ഥനായ ജോർജ് സെൻ , രാകേഷ് ,മായ, വിനോദ്, എന്നിവർ നേതൃത്വം നൽകി.