എം മുരളി ഉത്തരവാദിത്വങ്ങൾ പൂർണ്ണതയിൽ എത്തിച്ച നേതാവ് -കെപിസിസി പ്രസിഡൻ്റ് സണ്ണി ജോസഫ്

24.02.2026

അയൂബ് ഖാൻ

തിരുവനന്തപുരം: ഏൽപ്പിച്ച ഉത്തരവാദിത്വങ്ങൾ പൂർണ്ണതയിൽ എത്തിച്ച കോൺഗ്രസ് നേതാവായിരുന്നു മുൻ എം എൽ എ എം മുരളി എന്ന് കെപിസിസി പ്രസിഡൻ്റ് സണ്ണി ജോസഫ്. എം മുരളിയുടെ വേർപാട് കോൺഗ്രസ് പ്രസ്ഥാനത്തിന് തീരാ നഷ്ടമാണെന്നും അദ്ദേഹം പറഞ്ഞു. രാജീവ് ഗാന്ധി പഞ്ചായത്ത് രാജ് സമിതി സംസ്ഥാന കമ്മിറ്റിയുടെ നേതൃത്വത്തിൽ കെപിസിസിയിൽ നടന്ന എം മുരളി അനുസ്മരണ സമ്മേളനത്തിൽ സംസാരിക്കുകയായിരുന്നു അദ്ദേഹം കണ്ണൂർ കോർപ്പറേഷൻ മുൻമേയർ റ്റി.ഒ മോഹനൻ അധ്യക്ഷത വഹിച്ചു. രാജീവ് ഗാന്ധി പഞ്ചായത്ത് രാജ് സമിതി അഖിലേന്ത്യാ ചെയർമാൻ സുനിൽ പൻവർ വൈസ് ചെയർമാൻ കുനാൽ ബാനർജി, കെപിസിസി വൈസ് പ്രസിഡൻറ് പാലോട് രവി, എം വിൻസെൻ്റ് എം. എൽ.എ, ചെറിയാൻ ഫിലിപ്പ്, കെ. മോഹൻകുമാർ, ആനാട് ജയൻ, സുഭാഷ് ഐക്കര, അർജ്ജുൻ രാധാകൃഷ്ണൻ,രമേശ്, ബാലൻ മാസ്റ്റർ,പിടി.മാത്യു,ഉല്ലാസ്,വിനോദ്സെൻ,ഗീതാകൃഷ്ണൻ തുടങ്ങിയവർ സംസാരിച്ചു.