പൗർണ്ണമിക്കാവിൽ ആദിശക്തിയുടെ പ്രാണ പ്രതിഷ്ഠ നടന്നു

02.04.2026

അയൂബ് ഖാൻ

തിരുവനന്തപുരം: വെങ്ങാനൂർ പൗർണ്ണമിക്കാവ് ശ്രീ ബാല ത്രിപുര സുന്ദരി ദേവീ ക്ഷേത്രത്തിൽ ലോകത്തിലാദ്യമായി ആദിശക്തി വിഗ്രഹത്തിന് പ്രാണപ്രതിഷ്ഠ നടന്നു. കിരീടം ഉൾപ്പെടെ 32 അടി ഉയരമുള്ള ഒറ്റക്കല്ലിൽ കൊത്തിയെടുത്തതാണ്. ആദിശക്തിയുടെ വിഗ്രഹം.തേക്കിലും ഈട്ടിയിലും നിർമ്മിച്ച ശ്രീകോവിലിന്റെ മേൽക്കൂര ചെമ്പോലയിൽ പൊതിഞ്ഞതാണ്.മധുര മീനാക്ഷി ക്ഷേത്രത്തിലെ മുഖ്യപുരോഹിതനായ ബ്രഹ്മശ്രീ ശങ്കര സുബ്രഹ്മണ്യ ശിവാചാര്യരും തിരുനെൽവേലി ശ്രീ ത്രിപുരാന്തീശ്വരർ ക്ഷേത്രത്തിലെ മുഖ്യപുരോഹിതനായ ശിവ ശ്രീ ഭാഗ്യരാജ് ശിവാചാര്യരും ആസാമിലെ കാമാഖ്യക്ഷേത്രത്തിലെ മുഖ്യ പുരോഹിതനായ അശോക് ഭട്ടാചാര്യയും ക്ഷേത്രം മഠാധിപതി സിൻഹാ ഗായത്രിയും ചേർന്നാണ് പ്രാണപ്രതിഷ്ഠ ചടങ്ങുകൾക്ക് കാർമ്മികത്വം വഹിച്ചത്. അമ്പതോളം കലാകാരൻമാർ അണിനിരന്ന പഞ്ചാരി മേളത്തിന്റേയും തെയ്യങ്ങളുടേയും അകമ്പടിയോടെ വിശിഷ്ട വ്യക്തികൾ നക്ഷത്ര വിളക്കിൽ ദീപം പകർന്നു.രാത്രി പത്ത് മണിക്ക് നടന്ന വലിയ ഗുരുസിയോടെ നട അടച്ചു.