ദിശ അരുമാനൂർ ബാഡ്മിന്റൺ ടൂർണമെന്റ്

17.02.2026

അയൂബ് ഖാൻ

പൂവാർ :ദിശ അരുമാനൂരിന്റെ എട്ടാമത് വാർഷിക ആഘോഷങ്ങളുടെയും ആൾ കേരള ഷട്ടിൽ ബാഡ്മിന്റൺ ടൂർണമെന്റിന്റെയും ഉദ്ഘാടനം എം വിൻസെന്റ് എം.എൽ.എ നിർവ്വഹിച്ചു. പൂവാർ ഗ്രാമ പഞ്ചായത്ത് പ്രസിഡന്റ് ആതിര , പൂവാർ സർവീസ് സഹകരണ ബാങ്ക് പ്രസിഡന്റ് പി.കെ സാംദേവ്, ജില്ലാ പഞ്ചായത്ത് അംഗം സി.ആർ. പ്രാണകുമാർ , റിട്ട: എസ്.പി എസ്. രാജേന്ദ്രൻ, മാധ്യമ പ്രവർത്തകൻ ഇടവൂർ സജി, ജില്ലാ ബാഡ്മിന്റൺ അസോസിയേഷൻ ട്രഷറർ ഷോബൽ നെൽസൺ, ദിശ ഭാരവാഹികളായ കലേഷ് കുമാർ എസ്.കെ., അശോക് സി.എസ്, ഭവിൻ സി.ജി, അരവിന്ദ് വിക്രം, ബിഫിൻ ആന്റോ തുടങ്ങിയവർ പങ്കെടുത്തു. അഫ്സൽ - നിതീഷ് സഖ്യത്തെ പരാജയപ്പെടുത്തി അമൻ - റാസി സഖ്യം ചാമ്പ്യമാരായി. ദിശയുടെ രക്ഷാധികാരി മനു അരുമാനൂർ വിജയികൾക്കുള്ള ക്യാഷും ട്രോഫികളും വിതരണം ചെയ്തു.കലാ-കായിക രംഗത്തെ മികച്ച പ്രകടനം നടത്തിയവരെ ചടങ്ങിൽ ആദരിച്ചു