വാഴമുട്ടം ഗവ. ഹൈസ്കൂളിൽ ഹയർ സെക്കൻഡറി ആരംഭിക്കുന്നതിനുള്ള നടപടികൾ തുടങ്ങി - മന്ത്രി ശിവൻകുട്ടി

07.02.2026

അയൂബ് ഖാൻ

കോവളം : വാഴമുട്ടം ഗവ. ഹൈസ്കൂളിൽ ഹയർ സെക്കൻഡറി ആരംഭിക്കുന്നതിനുള്ള നടപടികൾ തുടങ്ങിയതായി വിദ്യാഭ്യാസ വകുപ്പ് മന്ത്രി വി. ശിവൻകുട്ടി. സ്കൂളിനായി 5 കോടി ചെലവിട്ട് നിർമ്മിച്ച പുതിയ കെട്ടിടമായ പി. വിശ്വംഭരൻ മെമ്മോറിയൽ ബ്ലോക്കിൻ്റെ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി . വാർഡ് കൗൺസിലർ വയൽക്കര രതീഷ് അദ്ധ്യക്ഷത വഹിച്ചു. സ്കൂളിൽ രണ്ടാം ഘട്ടമായി 5 കോടി ചെലവിട്ട് നിർമ്മിക്കുന്ന പുതിയ കെട്ടിടത്തിൻ്റെ ശിലാസ്ഥാപനവും കിഫ്ബി ഫണ്ട് വിനിയോഗിച്ച് നിർമ്മിക്കുന്ന 1 കോടി 30 ലക്ഷം രൂപയുടെ പ്രവർത്തികളുടെ ഉദ്ഘാടനവും മന്ത്രി നിർവഹിച്ചു. പി.ഡബ്ല്യു.ഡി കെട്ടിട വിഭാഗം സി.ഇ ദീപു എസ്, കില ചീഫ് മാനേജർ മുരളി ആർ, പുഞ്ചക്കരി വാർഡ് കൗൺസിലർ ഷൈലജ, ഡി.ഡി.ഇ ശ്രീജ ഗോപിനാഥ്, സി.പി.എം ജില്ലാ കമ്മിറ്റി അംഗം പി.എസ് ഹരികുമാർ, എസ്. പുഷ്പലത, പനത്തുറ പി. ബൈജു തുടങ്ങിയവർ പങ്കെടുത്തു. സ്കൂൾ പി.ടി.എ പ്രസിഡൻ്റും സംഘടാക സമിതി ചെയർമാനുമായ വെള്ളാർ സാബു സ്വാഗതവും ഹെഡ്മിസ്ട്രസ്സ് ശ്രീജ ജി.എസ് നന്ദിയും പറഞ്ഞു.